"Buchhaus Wittwer" zu Stuttgart

Zu Stuttgart gëtt et d'"Buchhaus Wittwer", e wierklech grousst Bichergeschäft mat véier Stäck an zwou Entrée'en.

Ausstellung um "Summerdag vun der Literatur" am cnl

Nieft de Liesungen an de Gespréicher, déi um "Summerdag vun der Literatur" gehale goufen, war och eng Ausstellung am Gebai vum cnl. Et huet sech natierlech alles em Bicher gedréit.

Georges Hausemer um "Summerdag vun der Literatur"

De leschten Auteur vun dësem Dag war den Georges Hausemer mat sengem Buch "Der Schüttler von Isfahan".

Linda Graf um "Summerdag vun der Literatur"

Linda Graf huet hiert Buch "Die Tage, die Dinge" virgestallt. Et handelt sech em e Buch mat Kuerzgeschichten, wat op däitsch geschriwwen ass.

Isabel Spigarelli um "Summerdag vun der Literatur"

Tëscht den zwee Poeten Tom Nisse an Lambert Schlechter huet d'Isabel Spigarelli hire Roman "Nichts zu danken" virgestallt.  Dëst Buch ass op däitsch geschriwwen an handelt ëm eng eeler Damm, déi am Altersheem lieft.

Tom Nisse an Lambert Schlechter um "Summerdag vun der Literatur"

Well den Tom Nisse an den Lambert Schlechter sech géigesäiteg interviewt hunn, hunn ech et passend fonnt, déi zwee Auteuren zesummenzesetzen.

Michel Clees um "Summerdag vun der Literatur"

Nom Gespréich vum Samuel Hamen mam Claudine Muno huet den Michel Clees eng Liesung zu sengem Buch "Abreise" gehalen.

Claudine Muno um "Summerdag vun der Literatur"

Den Ufank vun de Liesungen huet Claudine Muno gemaach mat hirem Buch "Komm net kräischen", wat, wéi den Titel et scho verréit, op lëtzebuergesch geschriwwen ass.

Summerdag vun der Literatur

Dësen Sonnden, 10. Juli 2016, war deen 2. "Summerdag vun der Literatur" am Centre national de littérature (CNL) zu Miersch. Et war e gefëllten Programm, deen vun 11:00 bis 16:00 Auer gaangen ass. Et stoungen 7 Liesungen vun jeeweils 20 Minutten vun lëtzebuergeschen Auteuren um Programm mat engem ofschléissenden Gespréich vun 10 Minutten.

"Relay" on the Faro Airport

Um Fluchhafen zu Faro (P) gëtt et am Deel nom Check-in folgenden Kiosk: "Relay". Vu baussen gesäit een schonn d'Bestselleren an der Vitrinn, op englesch an portugisesch.

"Papelaria e Livraria" in Faro (P)

An der "Rua Ferreira Neto" befënnt sech eng weider Libraire. Vu baussen gesäit een direkt, dat et sech em eng Papeterie handelt, mat all den Schoulartikelen an der Fënster.

"Livrarias Europa - America" in Faro (P)

An der Foussgängerzon zu Faro, wou de Kiosk och steet, ass dësen Bicherbuttek ze fannen. Leider hat deen zu där Auerzäit zou, wou ech do war, an ech konnt net era kucke goen.

"Quiosque Farense" in Faro (P)

Zu Faro an der Foussgängerzon, méi genee an der "Praça Ferreira de Almeida", stoung e Kiosk.

"club" Airport Charleroi

Zu Charleroi (B) um Fluchhafen hunn ech nom Check-in een "Club" entdeckt. Natierlech hunn ech direkt missen kucke goen an Fotoen maachen.

"k kiosk" am Cactus Angelduerf

Och am Cactus zu Angelduerf befënnt sech e "k kiosk". Wann een duerch d'Haaptentrée geet, fënnt een dësen Buttek direkt op der rietser Säit.

"Lies & Iess"

"Lies & Iess" ass eng Sandwicherie an der Stad, wou een och aner Saachen, ewéi Papeterie, Séissegkeeten, Gedrénks, ... kafe kann. Des Sandwicherie befënnt sech vis-à-vis vum Campus Geesseknäppchen.

"k kiosk" an der Belle Etoile

An der Belle Etoile zu Bartreng ass een "k kiosk". Ech war d'läscht Woch dohinner wéinst den "Journées du Livre et du Droit d'Auteur", an dunn hunn ech vun der Geleeënheet profitéiert fir bis an den "k kiosk" ze goen.

"Journées du Livre et du Droit d'Auteur" an der Belle Etoile

D'Ausstellung "Vun der Iddi bis bei d'Buch" war vum 19. bis den 23. Abrëll 2016 an der Belle Etoile. Et war eng Expositioun an Animatiounen ëm d'Bicher, vun der Iddi vun enger Geschicht bis zum Verkaf vum Buch. Et huet sech ëm déi 9. Editioun vun den "Journées du Livre et du Droit d'Auteur" gehandelt.

"E Buch am Zuch (A book in the train)"

Säit 1995 ass den 23. Abrëll den "Internationalen Dag vum Buch". Aus deem Grond huet de Veräin "Freed um Liesen" an Zesummenaarbecht mat dem "Centre National de Littérature (CNL)" an der CFL e Buch erausbruecht, wat den Freiden 22. Abrëll op verschiddenen Garen gratis verdeelt gouf.

Bicherbus

Zu Lëtzebuerg gëtt et de "Bicherbus", deen 1982 gegrënnt gouf. Deemools huet et sech em en Service gehandelt, deen vun der Generalverwaltung vum Kulturministère lancéiert gouf. Et handelt sech em e Bus, ëmgebaut als Bibliothéik op Rieder.

Prix Laurence 2016

Dëst Joer war déi 2. Editioun vum "Prix Laurence". Et handelt sech ëm eng Initiativ vum Jugendhaus Beetebuerg (MJC) an Zesummenaarbecht mat der Beetebuerger Gemeng. Hei geet et drëm, jonk Leit ze motivéieren fir ze schreiwen an hinnen eng Plattform fir hir Literatur ze ginn.

Bücherhaus Karlsruhe

Op mengem Weekendtrip duerch Karlsruhe, sinn ech laanscht dëst Gebai getrëppelt. Natierlech ass et mir direkt opgefall an ech hu missen eng Foto dovunner maachen. Heiheem sinn ech nosiche gaang, wat et mat där Librairie op sech huet.

Librairie Ernster an der Stad

Wéi ech déi läscht Woch an der Stad war, sinn ech bis an d'Librairie Ernster gaang. Et war déi éischte Kéier, dat ech dobanne war.  Vu baussen gesäit et net ganz grouss aus, mee wann een erageet, gesäit een, e Panneau deen engem matdeelt, dat de Buttek iwwer méi Stäck verdeelt ass.

"club" am Pommerlach

Am Shopping Center Knauf am Pommerlach befënnt sech d'Librairie "club". Et handelt sech em eng belsch Librairie-Chaîne an am Pommerlach ass deen eenzegen Buttek op lëtzebuergeschem Terrain.

Librairie Scarabaeus an der Stad

Dëse Samschdeg war ech an der Stad wéinst engem Bloggertreffen. Duerch Zoufall war nieft eisem Treffpunkt eng Librairie, an zwar d'Librairie "Scarabaeus". Ech hu vun der Geleeënheet profitéiert a si bis era kucke gaang.

Fête du Livre à Redu

Vun Ouschtersamschdeg bis Ouschterméindeg war zu Redu an der Belscht d'Fest vum Buch. D'Stroossen vun dësem Bicherduerf waren während deenen 3 Deeg gefëllt mat Zelter a Stänn voll mat Bicher.

Thalia im Rheinpark-Center (Neuss)

Duerch Zoufall sinn ech läschte Weekend laanscht den Rheinpark-Center zu Neuss gefuer. A well ech e bëssen Zäit hat, sinn ech op de Parking vun deem groussen Akafszenter gefuer.

Reisebuchladen Karlsruhe

Leider hat ech keng Geleeënheet an dëse Bicherbuttek ze goen, well ech net genuch Zäit zu Karlsruhe hat an eréischt spéit am Owend duerch Zoufall laanscht getrëppelt sinn. Mee ech wollt iech et net virenthalen.

Libo Dikrech

A mengem Post vum 29.02.2016 hunn ech iwwer d'Libo zu Wolz beriicht. Et handelt sech ëm eng Papeterie-Chaîne zu Lëtzebuerg, wou een och Bicher ze kafen kritt.

Librairie Zimmer zu Dikrech

Des Librairie kennen ech säit menger Lycéeszäit, well ech meeschtens an deem Geschäft meng Schoulbicher kafe komm sinn. Et war awer elo schonn eng länger Zäit hier, dat ech net méi hei war.

"k kiosk" an der Lëtzebuerger Gare

Wéi ech eng Kéier mam Zuch an d'Stad gefuer sinn an nach bëssen Zäit hat, sinn ech bis an de "k kiosk" gaang, deen sech am Gebai vun der Lëtzebuerger Gare befënnt. Et handelt sech haaptsächlech em e Kiosk,  mat masseg Zäitschrëften, klenge Snacken a Gedrénks. Mee si hunn awer och en Eck wou een eng Partie Bicher a verschidde Sproochen ze kafe kritt.

Let'z go local goes Ettelbrück

Dëse Weekend war den "Let'z go local" zu Ettelbréck, an der Däichhal. Et war déi éischte Kéier, dat dee lokale Mäert am Norde vum Land ofgehale gouf. An et war och déi éischte Kéier, dat ech iwwerhaapt dovunner héieren hat.

Stephanus Karlsruhe

D'Librairie Stephanus befënnt sech um Eck vun der Herrenstraße zu Karlsruhe. Virun der Dier befannen sech Regaler mat verschidde Bicher a Postkaarten. Bannen gëtt et nieft dem Rez-de-Chaussée och e Stack am Keller, dee genotzt gëtt.

Libo Wolz

D'Libo ass eng Librairie an Papeterie Chaîne hei zu Lëtzebuerg an et gëtt se véiermol am Land: an der Stad, zu Gréiwemaacher, Dikrech a Wolz. Well ech am Norde wunnen, ginn ech gréisstendeels an déi zu Wolz. Säit Mëtt Juni 2015 ass des Libo an engem neie Gebai, awer nach ëmmer an der Groussgaass.

Thalia Saarbrücken

Zu Saarbrécken gëtt et den Akafscenter Europa-Galerie. Et handelt sech em dat fréiert Administratiounsgebai vun den Saarbergwerke. Un dëst Bauwierk, wat iwwregens ënner Denkmalschutz steet, gouf ugebaut an esou ass d'Europa-Galerie entstaan.

Pocket Shop am Frankfurter Flughafen

Um Frankfurter Fluchhafen, wou ech am Dezember 2015 op der Sich nom nächsten Terminal war, sinn ech op den Pocket Shop (by thalia.de) gestouss.

De' Bücherladen in Trier

De' Bücherladen befënnt sech zu Tréier an der Akafsstrooss, net wäit vun der Porta Nigra ewech. Et handelt sech em e léiwen klengen Buttek, wou een awer vill Bicher dra fënnt.

Thalia Karlsruhe

Op mengem Weekendtrip op Karlsruhe am Januar sinn ech an den Thalia an d'Kaiserstraße gaang. Sou e grousst Bichergeschäft hunn ech perséinlech nach net gesinn. Do ginn et Rulltrapen an dat ganzt Geschäft ass op véier Stäck verdeelt. Et war och déi éischte Kéier, dat ech an der Schlaang hu misse stoen fir ze bezuelen. Wéi schéin ze gesinn, dat et nach souvill Leit ginn, déi Bicher liesen an hir Bicher an enger Librairie kafen!

Press & Books um Findel

Um Findel hunn ech am Dezember fir d’éischt d'Librairie Press & Books, P&B entdeckt. Et handelt sech ëm e klenge Bicherbuttek, wou een Zäitschrëften a Bicher an de Sproochen englesch, franséisch an däitsch kritt. Donieft kritt een awer och Reesbicher an Souvenirsartikelen vu Lëtzebuerg. Dee Buttek kann een awer nëmmen besichen, wann een agecheckt huet.

Mayersche Trier

D'Gebai vun der Mayersche zu Tréier fällt vu baussen schon direkt op mat sengen héichen Fënsteren, an dat op dräi Stäck verdeelt. Baussen gesäit ee schonn Dëscher mat Bicher gefëllt.

Librairie Alinéa

D'Libraire Alinéa befënnt sech an enger klenger Stross bei der Foussgängerzon an der Stad, direkt nieft der Confiserie Namur. Duerch Zoufall fënnt een déi net, et muss een se scho bewosst opsichen. Am séiersten kënnt een dohin, wann een bei den "Théâtre des Capucins" parke geet.

Buchhandlung Schmetz am Dom in Aachen

Nodeems ech de Samschden 12. Dezember 2015 iwwert den Oochener Chrëschtmäert beim Dom am Münsterplatz getrëppelt sinn, hunn ech do d'Buchhandlung Schmetz am Dom entdeckt. Säit 2011 befënnt sech des Librairie neierdéngs um Münsterplatz 7-9.

Buchhandlung M. Jacobi's Nachfolger in Aachen

Den Samschden 12. Dezember 2015 sinn ech mat mengem Mann op de Chrëschtmäert op Oochen gefuer. Well et awer nach virun 11 Auer war an dofir d'Buden nach zou, si mir nach bëssen ronderëmspazéiert an sinn op d'Buchhandlung M. Jacobi's Nachfolger gestouss.

Buchhandlung Stephanus in Trier

Zu Tréier ginn et verschidde Libairien, dorënner d'Buchhandlung Stephanus. 

Den Dag wou ech do war, huet et gereent. Et stongen Dëscher mat Bicher virun der Dier. Fir dat näischt dru géif kommen, waren Baatschen doriwwer geluecht ginn. Sou konnt een, trotz dem Reen, d'Bicher gesinn.

Librairie Ernster an der Belle Etoile

Ech hu mer d'Librairie Ernster zu Bartreng an der Belle Etoile erausgesicht, well ech am Internet gelies hunn, dat do e Café géif dozou gehéieren.

D'Librairie befënnt sech um éischten Stack an ass an zwee Deeler agedeelt:

Wantergeschichten an der Bibliothéik Eschduerf

Den Donneschden 10. Dezember 2015 sinn ech fir 19 Auer op Eschduerf (L) gefuer, fir mir an der Bibliothéik d'Wantergeschichten ulauschteren ze goen. Ech hat op facebook iwwer deen Virliesowend gelies.

Wéi ech do ukomm sinn, gouf ech léif vun der Inhaberin begréisst an hunn dierfen mat nolauschteren, obwuel d'Wantergeschichten fir Kanner vu 4 bis 8 Joer geduecht waren.

Deen hënneschten Deel vun der klenger, gemittlecher Bibliothéik war mat Léift dekoréiert:

Moien an wëllkomm

Moien,
Ech sinn d'Lucie, a mat dësem Post fänkt mäint neit Liewen als Bloggerin un.
Ech hu vu Kand un ëmmer gär Bicher gelies a sinn nach ëmmer gär a Bichergeschäfter gaang. Fir mech ass dat eng Aart Schatzkëscht, wou et vill Schätz z'entdecken gëtt.
Ech wär frou, wann dir mat deel huelt u menge Reesen an d'Bicherwelten a mir dobäi hëlleft, méi Reesen ze plangen.
Op verschidde Plazen wäert ech mer dann och en neien Schatz zouleeën. Dir wäert an Zukunft um Kaf vu menge Bicher gesinn, wat ech am léifste liesen.
Mech interesséiert awer och, wou dir är Schätz gär kafe gitt a wat fir eng Plazen een als Bicherfrënd muss gesinn hunn. Dofir géif ech mech op Kommentaren an Iddien vun iech freeën. Dir fannt mech op Facebook oder dir kënnt mir awer och gär E-Maile schreiwen.
Op vill schéi gemeinsam (Bicher-)Entdeckungen!

Léif Gréiss,
Lucie



Hi there,
I'm Lucie, and my life as a blogger begins right now.
As a child, I've always loved to read books and to go visit bookshops. For me, a bookshop is like a treasure chest, where a lot of treasures can be discovered.
I would be happy to have you with me on my journeys in the world of books. And I would appreciate you helping me finding new book places to travel.
I'll find my treasures in different places and based on the choice of books I buy, you will learn about my reading preferences.
But I also want to know your favorite places to buy books or which places a book lover has to see. I am happy about all comments and ideas. You can join me on facebook or write me a mail.
I hope we will have plenty of book discoveries together!

Booklove,
Lucie